ثورة 25 يناير

   

              بقلم الطالبة
:
ياسمين محمد عبد الفتاح خليفة

ثورة 25 يناير ثورة من أعظم الثورات

الناس فيها كانت عندها اعتراضات

وعشان كدة قامت المظاهرات

سببها كان الظلم والرشوة والفساد

وناس فاسدة بتكره الأعياد

نادوا بأعلى صوتهم يسقط مبارك والنظام

هتفوا بأعلى حس لا للتخريب والاجرام

قالوا لا للواسطة والمحسوبية

عايزين عدالة اجتماعية وديمقراطية

نزلوا لأنها مظاهرات سلمية

نزلوا عشان كان عندهم حسن نية

لكن السلمية صبحت مجزرة

وقلنا ايه اللى حصل يا ترى

شباب ماتوا مالهمش ذنب

والشرطة اخدت جنب

يرموا عليهم قنابل مسيلة للدموع

وكمان منتهية الصلاحية والناس قلبها موجوع

ويرشوا خراطيم المية على المسلمين

وهما بيصلوا فى حمايه المسيحيين

كان ايه اللى عملوا الحزب الوطنى

كل واحد فيه بيقول على نفسه أنا مصرى ووطنى

كلهم رموز فساد و مرشيين

وانت عالم بيهم يا رب العالمين 
 

 

يا خسارة جمهورية مصر العربية

مبارك مسكها لشوية حرامية

زى العادلى و الجبلى و نظيف

ده غير جرانة والمغربى و صفوت الشريف

أما أحمد عز و جمال

دول لوحدهم عايزينلهم مقال

سرقوا مال و أرض الغلابة

عيشوهم ف أفقرغابة

وهما راكبين عربيات آخرموديل

ورايحين جايين على أمريكا كأنها محل

بس هيروحوا فين من ربنا

قادر انه ينصفنا كلنا

و دم الشهداء مش هيروح هدر

هنحتسبهم عند ربنا و نقول قضاء و قدر

و بعد أما تنحى حسنى و استعدنا الحرية

ارفع راسك وقول أنا مصرى بنفس أبية

يا شعب..مصر بتندهلنا

عشان نقول لكل واحد مننا

يلا نتعاون نبنى مصر و نعمر تانى فيها

و نطرد كل الفساد اللى ماليها

 

   
 
 

تصميم وبرمجة .. إيهاب سعيد .. مدرس أول . أ. Science